| ავტორი | |
|---|---|
| ეპოქა | 1882-1962 წწ. |
| თხზულება | ფალესტრა (გრიგოლ რობაქიძე, ნაწერები, წიგნი I, თბილისი, 2012) |
| სახეობა | |
| ციტაცია | „კინორეჟისორი განზე იხედება. სააფიშე სვეტზე მოსჩანს დიდი პლაკატი: ცხენს მიაჭენებს თმაგაშლილი ქალი. პლაკატს აწერია დიდი ასოებით – „ფალესტრა“ (მეტი არაფერი). ადოლფ უნგარ ფილმს ამზადებს ამორძალთა ცხოვრებიდან. „ფალესტრა“ ამორძალთა დედოფალია. იგი ომისთვის ემზადება ალექსანდრე მაკედონელის წინააღმდეგ მცირე აზიაში... მზიურ ახლოვდება სახელი მაკედონელის. ფილიპპის ძე ბუცეფალზე მჯდარი, უძლეველი მხედარი და ყველა კიდურის გადამლახავი, ფალესტრას წინ ისახება, როგორც მზის შვილი ნამდვილი. მზიურ ახლოვდება ლანდი მაკედონელის და დედოფლის გული ჰფეთქს უჩვევი გზნებით და უცხო ნდომით. მზის შვილს შეუძლია მზიურ მოხიბლოს ქალი. ამას გრძნობს ფალესტრა და ამორძალის თეძოებში ქალი იღვიძებს. იგი უთვლის ალექსანდრე დიდს: მსურს ვიქნე შენგან ორსული. ამორძალები ამხედრდებიან, მაგრამ უდრეკია ნება დედოფლის. მაკედონელი იღიმება: თანხმდება და მიეშურება დედოფლის მიმართ... მაგრამ ამორძალთა დედოფალი რეჟისორს ვერ უპოვნია. ქალი, რომელშიაც სხეულყოფილია თითქო მთელი სქესი ქალთა და რომელიც ეომება ამავე დროს კაცების კლანებს, ქალი, რომელსაც ვერ ძლევს სიყვარულით ვერა რომაელი ვაჟი, ასეთი ქალია ფალესტრა, რომელიც მხოლოდ ერთხელ უღალატებს ამორძალთა ადათს, რომ ქალწულური მკერდი უომრათ გადაუხსნას ფილიპპის ძეს“ |
| ტერმინი |
| კომენტარი |
|---|
